اليوم العشرين من التحدي
سلام..
بعد انقضاء 20 يوم من التحدي يعني المفروض منجزة ثلاثة ارباع
التحدي والحمدلله خلال هذه الايام جربت 7وصفات
وبال10 الاوائل 10 وصفات يعني مابقى الا شي كلش قليل
عن هدفي ال20 وصفة وهذه صور بعض الوصفات الجديدة
بالنسبة للجهد الي بذلتة بهذه ال10 ايام بالبداية جان
جهد مضاعف عن الايام السابقة
وسويت اكثر من وصفة باليوم وجربت اشياء جديدة
منها حلو بالفاصوليا الي احنه متعودين عليها نسويها مرگة 😅
بس جانت تجربة حلوة والهمتني لوصفات هواي
وبنفس الوقت جربت حساب السعرات الحرارية كامله
ل3 وصفات وجانت تجربة لطيفة
كنت اقضي 3 الى 5ساعات باليوم
بين طبخ وحساب سعرات بهذا التطبيق
واكيد اشوف فديوات وصفات شگد مااگدر
بس بالايام الاخيرة سائت حالتي الصحية
واضطريت ال5ايام هذه تاركة التحدي
والحمدلله انه جنت باذلة جهد بهذيج الفترة
ضليت معتمده فقط ع اليوتيوب واسجل وصفات بدون تطبيق
وهذا واحد من عشرات الوصفات الي شفتها
الي اتعلمتة بهذه الايام انه استغل اي وقت واي فرصة تجيني
لان مضامنة الايام الي تجي
شگد مااكون مخططة ممكن بلحظة كل شي يتغير
صحتي هواي اثرت ع ادائي بالتحدي ومكان شي متوقع
بس الحمدلله ع كل حال
واتعلمت هم انه مااعاند لان اخذت الموضوع بسطحية
لحد ما سائت 😅هذا درس الية
اما مشاعري فمااتغيرت بقة المشاعر الحلوة موجودة
والشي الي ضوجني انه ماگدرت انجز وصفات اكثر
بس راضية بادائي رغم كل شي
وان شاءلله اوصل للهدف بالايام الجاية
بالنسبة للخطة نفسها مرح اغير منها شي لانه حسيتها مناسبة الي
وبالنهاية احب اذكر الاشياء الممتنة الها:
1.ممتنة لكل دقيقة گدرت استغلها بتجربة وصفات
لانه لو ممستغلتها جان راحت علية هذه ال10 ايام
وماجان گدرت انجز شي
2.رغم ميصير اكرر بس مااگدر ماارجع اقدم امتناني
الي من كل گلبي للصحة لان الصحة شي كلش عظيم
ومنعرف قيمتها الا لمن نفقدهاونضل ندعي حتى ترجعلنة
3.وختامها مسك ..ممتنة لمرتضى الي دايقدملنة هيج فرص
عظيمة تطور من نفسنة بدون مقابل فشكر وهواي حب اله
ولكل الكادر الي دايتعب بهيج مبادرات
تعليقات
إرسال تعليق