ليست النهاية وانما نقطة البداية
سلام…
وانتهى مشوار ال29 يوم من التحدي ووصلنا لليوم الاخير،قبل لا اتكلم عن تجربتي بالتحدي خلي اذكركم بنفسي
اني منى إنسانة جداً مهملة من ناحية النظام والالتزام بالوقت وبسرعة امل وممكن اترك الشغلة ولكن حاولت اغير من نفسي واتحداها وياكم واجرب 20 وصفة نباتية خلال 29 يوم مع باقي المشاركين، والتفكير وحدة بالالتزام وكسر حاجز الكسل والعجز هذا اكبر تحدي بالنسبة الي.
ابقوا وياي وتعرفوا على رحلة ال29 يوم من البداية لآخر لحظة.
البداية معروفة اي شخص يبدي بشي جديد يكون متحمس وملتزم بكل التعاليم وبالفعل بديت بحماس واصرار وجربت 10 وصفات بأول 10 ايام من دون ملل وحسيت بتغيير حلو وعجيب
وزاد الحماس وزاد التحدي عندي وحاولت اطبق اشياء ماكنت متخيلة اسويها من قبل مثل: احسب السعرات الحرارية للأكل وهالشي صعب ودقيق،
وحاولت اجرب وصفات غريبة مستحيل تخطر على بالنة بالنجاح مثل هالوصفة الي ممكن تضحك شوي (فاصوليا حلوة مع ككو)والحمدلله طلعت تجربة ناجحة وانه الطبخ يتحمل كل شي غريب بس نحتاج نوثق بنفسنا ونحاول ومستحيل نعرف او نحكم على الشي ان كان ناجح او فاشل قبل التجربة .
ومن بعد ال10 ايام وشدت الحماس الي اني بيها فجأه المرض يطرق بابي مع الاسف انصابيت بكورونا وتركت التحدي لفترة بسبب سوء الوضع الصحي وبنفس الوقت قل حماسي ولكن عرفت شي جداً مهم بوقت المرض انه الصحة نعمة لا تقدر
والكل يعرف احدى اعراض المرض فقد كلا حاستي الشم والتذوق وكوني هاوية طبخ فقدت اهم حاستين تمكني من الاستمرار والابداع
ومن بعد فقدي للتذوق والشم اكتشفت فعلا حبي وشغفي بالطبخ وبدون حاستي اصبحت شخص عادي غير قادرة على تمييز واكتشاف النكهات
من بعد تحسني من المرض حاولت اكمل التحدي الي توقفت بمنتصفه،ونسيت اخبركم بفترة الحجر حاولت اكتشف بعد وصفات فكثفت مشاهدتي للوصفات عن طريق النت وبنفس ركزت ع متابعة محتوى يخص تصوير الاطعمة وعلى الرغم من ان مشاهدتي كانت فقط نظرية من دون تطبيق بس استفاديت منها وفعلاً طلعت نتائجها من بعد ما طبقت الي تعلمتة بعد شفائي
ومع اهتمامي بالطبخ اتحسنت مهارتي بالتصوير واكتشفت جمال الاكل لدى المتلقي بتصويره بالطريقة الصحيحة وعرض الوصفة بشكل ممتع ولطيف
هذا حسابي بمنصة الانستغرام إذا حابين تشوفون وصفاتي وتصويري البسيط
وهذه بعض صور للوصفات الي طبقتها خلال هذا التحدي
وبالختام احب اشكر مرتضى وكل الكادر على هذا التحدي الرائع..عن طريقة تمكنت من معرفة معنى الالتزام ومعنى التدوين وبديت اخطط لكل وصفة وفديو بتفاصيلة وكذلك تعلمت انظم وقتي واستغل اي فرصة من دون كسل
وياكم حققت هدفي وطبقت 20 وصفة رغم ضيق الوقت بسبب الوضع الصحي وحالياً رغم كل الي مريت بي استطيع ان اقول اني نجحت بتحدي ال29 يوم
وااااااو انت مبدعة ، و فعلا الأكل الصحي و النباتي بالأخص تجربة غييييير ، استمري كلش حلو تصويرج و الأكل يجوز بعد أحلى😍
ردحذف