اليوم العاشر للتحدي
سلام…
رجعت وياكم بعد 10 ايام من التحدي حتى اشاركم الانجازات الي حققتها لحد الان!
هدفي هو تجربة20وصفة نباتية خلال29 يوم ويومياً داجرب وصفة جديدة ممسويتها من قبل
گدرت خلال ال10 ايام اجرب 10 وصفات
جربت وصفات من زمان حابة اجربها ومزجت بطريقتي بين وصفتين مختلفات وحبيت نتجة الطعم بين الوصفة التركية والنكهات الاسيوية
وهذه صور بعض وصفاتي بهذه الفترة
اعتمدت بالتحدي بشكل اساسي عاليوتيوب وحاولت اشوف اكبر
عدد ممكن من طرق للوصفة الوحدة
بالنسبة للجهد الي بذلتة متفاوت بعض الوصفات تطبيقها كان سهل ومااخذ وقت وبعضها احتاجيت اعيد الوصفة مرتين حتى تضبط بس كنت استغل مايقارب 2الى3 ساعات من بينها طبخ وتحضير
للوصفة وبيوم الوصفة السهلة استغل باقي الوقت بدراسة الطبخ
واساسياتة وشنوالطرق الصحيحة
الي ممكن اتبعها بدل ما كنت اطبق بطرق عشوائية
وهذا واحد من الفديوات الي فادتني
الي اتعلمته هو احاول ارتب افكاري ع الورق قبل لا ابدي وهذا الي خلاني استمر
ومن المشاعر الحلوة الي مريت بيها هو بعض الوصفات من تكون
اطيب من الي متخيلتها احس بفرح وانجاز واكون فخورة بنفسي
وهذاالشي الي يخليني استمر اكثر
رغم مرات اتعاجز والجو حار والمطبخ فرع ثاني من جهنم ف احس بتعب وانه مو الا اكمل التحدي بس اقنع نفسي انه دانجز بشكل جيد فاطبق اشياء بسيطة بيوم التعاجز حتى استمر
الشي الي ضوجني مكدرت اسوي التحدي الثاني وهو الرياضة
والمشي والاسباب جانت الحر والكهرباء ميشغل جهاز المشي
فصعب عليةالرياضة يوميا ففكرت اكنسل الموضوع ويكون
حسب مقدرتي لكن خلال هال10 ايام كدرت امارس الرياضة
3 ايام من 15الى20 دقيقة فلابأسحاستمر ع التحدي الاساسي والطبخ وان شاءلله اسوي تحدي ثاني للرياضة من يجي الشتا😂
بالنسبة للخطة حستمر عليها لانه مناسبة الي بين الدراسة النظرية
للوصفة وتدوينها وبعدها التطبيق
واخر شي اخلي ملاحظاتي في حال حبيت اعدل بيها
وان شاءلله اگدر اوصل للهدف خلال ال10 ايام
لانه انجزت نصة بالضبط
وبالنهاية احب اذكر الاشياء الي ممتنة الها :
1.ممتنة لعائلتي الي يومية اجرب براسهم وصفة واضل اخذ ارائهم ويفرحني من اسمع شكر وثناء ع الي داسوي
2.ممتنة لصحتي ولصبري الي ساعدوني حتى اكدرت انجز
هالاشياء
3.واخير امتنان هو للپنكة الي بعد ماانشوي ويه كل وصفة
اوگف مقابلها حتى اجر نفس واحس نفسي بهاواي😂
تعليقات
إرسال تعليق